Photo courtesy of PANL NA 2866  Kayak atuttauKattalauttuk pinasuajunut piKutinullu aitsikattagiamut |
|
Atâtaga KajaKaKattalauttuk angijualummik usisomik tamattinik uvannik angajuatsuganilu. Sunatuinnanik usiKattalauttuk Kajamigut - sanauganik, sukaranik, ilanganilu pinasuaKattadluni Kajamigut. Atautsik atâtamma Kajagilauttanga akuninitanik piuliumatsivimmejuk tamâni Nainimi. Ilisimavunga Kisiligigiamik asinginilu omajugalait Kisinginik salummasaigiamik kamiliugiamillu anânakkukanit, ilinniatitsilaukKungalu tâkkuninga aggânitsak ilinniavimi. Upingasâmi sugusinik suvailfanik aulâKatiKalaukKugut Nainiup kangidluanut. Woggenik maggonik aullâsimadluta ilinniatilauttavut Kanuk aullâsimagvimi piKattamangâtta, ilinniatidlugit Kanuk panittunik Kijuttagiamik, pinasuagiamik Kanullu tumisiugiamik omajunik. |